Şeýle at bilen welaýat ýörite sungat mekdebinde Türkmenistanyň Zenanlar birleşiginiň welaýat bölüminiň guramagynda mekdebiň talyp gyzlarynyň arasynda wagyz-nesihat çäresi geçirildi. Jemgyýetçilik guramalarynyň ýolbaşçylarynyň, hukuk goraýjy edaralaryň wekilleriniň, kümüş saçly eneleriň gatnaşmagynda geçirilen çärede türkmen gyzlaryna mahsus häsiýetler, enemamalarymyzdan miras galan edim-gylymlar dogrusynda giňişleýin gürrüň edildi. Ösüşlerden ösüşlere beslenýän ýurdumyzyň mundan beýläk-de hemmetaraplaýyn gülläp ösmegi üçin asylly, ukyply we başarjaň türkmen ýaşlaryny terbiýeläp ýetişdirmekde uly wezipeleriň durýandygy nygtaldy. Berkarar döwletiň mertebe tuguna deňelýän türkmen gelin-gyzlaryna bagtyýar durmuşda okamagy, işlemegi, döretmegi üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagy, tutumly işleriniň rowaçlyklara beslenmegi arzuw edildi.
Orazbibi Nurmyradowa,
Balkan welaýat ýörite sungat
mekdebiniň mugallymy.