Welaýat ýörite sungat mekdebinde Türkmenistanyň Kärdeşler arkalaşyklarynyň elaýat birleşmesi tarapyndan «Milli terbiýe — mizemez mekdep» ady bilen Halkara parahatçylyk we ynanyşmak ýylynda talyp ýaşlary watansöýüjilik ruhunda, sagdyn durmuş we türkmeniň döwletlilik ýörelgeleri, milli däp-dessurlarymyz esasynda terbiýelemek, milli mirasymyza hormat goýmak, zähmete söýgi döretmek, millilik, maşgala mukaddesligi, arassa ahlaklylyk ýörelgelerini ündemek maksady bilen wagyz-nesihat maslahaty geçirildi. Oňa Türkmenistanyň Mejlisiniň deputatlary, hukuk goraýjy edaralaryň, jemgyýetçilik guramalarynyň wekilleri, kümüş saçly eneler gatnaşyp, ene-mamalarymyzyň geçmişden şu güne çenli ýetiren gymmatly terbiýe mekdebiniň aýratynlyklary barada täsirli gürrüň etdiler. Berkarar döwletimiziň mertebe tuguna deňelýän türkmen gelin-gyzlarynyň bagtyýar durmuşda ýaşamaklary üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň belent, tutumly işleriniň rowaçlyklara beslenmegini arzuw etdiler.
"Balkan" gazetiniň online 31.10.2025ý. sanynda
Annagül Balkanowa,
Balkan welaýat ýörite sungat mekdebiniň mugallymy,
kärdeşler arkalaşygynyň ilkinji guramasynyň başlygy