Balkan welaýat ýörite sungat mekdebi welaýatyň çäginde ýerleşýän medeniýet we sungat hünär ugurlarynyň dürli görnüşleri boýunça zehinli ýaşlara orta hünär bilim berýän okuw mekdepleriniň biridir, mekdep Türkmenistanyň Medeniýet ministrliginiň garamagynda hereket edýär.
Balkan welaýat ýörite sungat mekdebi Türkmenistanyň Prezidentiniň 2007-nji ýylyň 20-nji fewralyndaky 8265 belgili Kararyna laýyklykda döredildi. 2007-2014-nji ýyllar aralygynda 40 talyp, 2014-2015-nji okuw ýyllar aralygynda 50 talyp, 2022-nji ýyldan bäri 60 talyp okuwa kabul edilip başlandy.
Balkan welaýat ýörite sungat mekdebinde 14 sany bölüm hereket edýär.
-
Türkmen milli saz gurallary
-
Halk saz gurallary
-
Bagşyçylyk sungaty
-
Üflenip we kakylyp çalynýan saz gurallary
-
Kirişli saz gurallary
-
Fortepiano
-
Sazyň taryhy we nazaryýeti
-
Aýdym aýtmak sungaty(wokal)
-
Saz mugallymçylygy
-
Hor dirižýory
-
Horeografiýa sungaty
-
Nakgaşçylyk
-
Dizaýn
-
Heýkeltaraşlyk
Mekdebiň esasy wezipeleri we maksatlary Türkmenistanyň bilim hem-de medeniýet ulgamlarynda döwlet syýasatyny durmuşa geçirmegi iş ýüzünde üpjün etmek, şahsyýetiň hünär bilimini almak we çuňlaşdyrmak islegini kanagatlandyrmak, Türkmenistanyň medeniýet we sungat ojaklary hem-de bilim edaralary üçin ýörite orta hünär bilimli hünärmenleri (mugallymlary) taýýarlamak, jemgyýetiň ruhy-ahlak, medeni we ylmy gymmatlyklaryny toplamak, goramak hem-de baýlaşdyrmak, talyplarda milli taryh, medeniýet, däp-dessurlar hem-de ileri tutulýan umumyadamzat gymmatlyklary bilen özara berk baglanşykly ýokary medeniýeti, şeýle hem döwlet Garaşsyzlygynyň we Bitaraplygynyň ýörelgelerine, türkmen halkyna, Watana hem-de Türkmenistanyň Prezidentine çuňňur wepalylygy terbiýelemek, ýurdumyzyň durmuş-ykdysady ösüşiniň ileri tutulýan ugurlaryna laýyklykda okuw meýilnamalaryny we maksatnamalaryny hil taýdan kämilleşdirmek boýunça işleri guramak, ýaşlary terbiýelemegiň milli maksatnamalaryny durmuşa geçirmek, sport, medeni çäreleri we talyplary okatmagyň, olaryň dynç almagynyň, ýaşaýşynyň şertlerini gowulandyrmaga gönükdirilen beýleki çäreleri geçirmek, okuwlary ýokary hilli guramagyň we okatmagyň öňdebaryjy usullaryny we serişdelerini ulanmak, mugallymlaryň hünär derejesini ýokarlandyrmak – ýaly ugurlardan ybarat bolup durýar.
Mekdebimizde 65 sany mugallym zähmet çekýär we 225 talyp okaýar.
Mekdebiň salgysy: Balkanabat şäheri Ejeke Ataýewa köçesi 126-njy ýaşaýyş jaýlar toplumy