Watan Ejem goşgular

Garaşsyzlyk kalba ganat, galkynyş,

Jebis halka döwlet bermiş, ýalkamyş,

Bagt nury ýollarmyza ýalkym yş,

Mesgenim, mertebäm, barymdyr Watan.

 

Halk ykbalyn alyp arka — gerdene,

Ýaşamagyň özem belent mertebe,

Ýaşlaryň dogmundan nurly erteler,

Mert nesiller namys aryňdyr, Watan.

 

Parahatlyk — dünýe içre ýaýdygyň,

Agzybirlik — baş şygaryň, aýdymyň,

Bagty buşlap parlar ýaşyl Baýdagyň,

Rahat mesgen seniň törüňdir, Watan.

 

Ýaňlanyp dur dost doganlyk owazy,

Sowulmaz döwrany, bahary ýazy,

Bereket eçiler nebiti gazy,

Egsilmez baýlygyň baryňdyr, Watan

 

Ejem

Elinden gül, dilinden dür dökülen,
Diňläp doýman çuň manyly söhbediň,
Ak süýdüňe garyp mähir söýgiňi,
Durmuşa taýýarlan özüň ahbetin.

Eje, şol mylaýym hüwdiň heňinde
Ulaldym, boý aldym, adam boldum men.
Ýaşap ýörün indi illeň deňinde,
Göreldäňi görüp, pendiň aldym men

Sülük barmaklaňdan sünnäläp çeken,
Keşdeleriň, gaýmalaryň mirasdyr.
Özüm eje bolup, perzent söýsem de,
Käbäm, kalbym seň mähriňe telwasdyr.

https://turkmenmetbugat.gov.tm/tk/publishes/13054/download

Läle Hojagurbanowa