Welaýat kitaphanasynda Türkmenistanyň Magtymguly adyndaky Ýaşlar guramasynyň welaýat geňeşi we welaýat ýörite sungat mekdebi okuw mekdebiniň «Nakgaşçylyk», «Dizaýn», «Heýkeltaraşlyk» bölümleriniň talyp ýaşlarynyň arasynda «Ýollarymyz asuda — ýurdumyz parahat» atly döredijilik bäsleşigini geçirdiler.
Bäsleşigiň şertlerine laýyklykda, talyplar berlen wagtda ýol-ulag hadyslarynyň düýpli azalmagyna uly ýardam etjek şekilleri surat eserlerinde beýan etmek bilen, raýatlarda hereket howpsuzlygynyň düzgünlerine düşünjeli garaýşy terbiýelemegi, ýol howpsuzlygynyň medeniýetiniň kämilleşmegine ýardam bermegi maksat edindiler.
Emin agzalarynyň gelen netijelerine görä, Geňlik Aşyrgulyýewa birinji, Osman Durdyýew, Mährijemal Mejidowa ikinji, Bibigözel Aşyrowa, Nurjemal Atagylyjowa, Züleýha Meredowa üçünji orunlara mynasyp boldular.
Bäsleşigiň ahyrynda talyp ýaşlar ýol hereketiniň kadalarynyň talaplaryny dogry ýerine ýetirmekligi howpsuzlygyň kepili hökmünde sungatyň inçe syrlarynyň üsti bilen beýan etmekde giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň elmydama rowaçlyklara beslenmegini arzuw etdiler.