21.01.2026-njy ýylda “Awaza” milli syýahatçylyk zolagynda Türkmenistanyň Zenanlar birleşiginiň Merkezi Geňeşi bilen Balkan welaýat Zenanlar bölümi tarapyndan “Bedew batly zamananyň bagtyýar zenanlary” atly okuw maslahatynyň çäginde Balkan welaýatynyň Türkmenbaşy şäherinde nebiti gaýtadan işleýän zawodlar toplumynyň Medeni-sport toplumynda “Altyn asyr” teleýaýlymy tarapyndan taýýarlanan aýdym-sazly, söhbetli çärede Balkan welaýat ýörite sungat mekdebiniň Kärdeşler arkalaşygynyň ilkinji guramasynyň başlygy, jemgyýetçilik dersleriniň mugallymy Annagül Balkanowa çykyş etdi.
Dabaranyň çäginde gurnalan muzeý gymmatlyklarynyň milli sergisinde “Miras” teleýaýlymy tarapyndan taýýarlanan gepleşikde Balkan welaýat ýörite sungat mekdebiniň “Horeografiýa sungaty” bölüminiň mugallymy Läle Hojagurbanowa hem interwýu berdi.
Çykyşlaryň dowamynda 2026-njy ýylyň “Garaşsyz, baky Bitarap Türkmenistan-bedew batly at-myradyň mekany” atly şygar bilen atlandyrylmagy mynasybetli syýasy wakalar, gelejekde göz öňüne tutulýan dabaralar, medeni diplomatiýanyň halkara derejesindäki abraýy, şeýle hem bagtyýar zenanlara döwlet tarapyndan döredilýän mümkinçilikler beýan edildi.