26.11.2025-nji ýylda Balkan welaýatynyň Balkanabat şäherindäki “Türkmeniň Ak öýi” binasynda hemişelik Bitaraplygymyzyň 30 ýyllygyna bagyşlanyp, aýdym-sazly konsert geçirildi. Geçirilen çärä Balkan welaýat ýörite sungat mekdebiniň “Aýdym aýtmak sungaty-wokal” bölüminiň müdiri Akgül Ataýewa, “Horeografiýa sungaty” bölüminiň mugallymy Läle Hojagurbanowa, “Horeografiýa sungaty” bölüminiň müdiri Sapargül Hallymämmedowa, “Kirişli saz gurallary” bölüminiň müdiri Arazmyrat Myradow, “Aýdym aýtmak sungaty-wokal” bölüminiň mugallymy Gülhanym Lametowa, talyp ýaşlary hem gatnaşdy.
Çärede edilen çykyşlarda Halkara Bitaraplyk baýramçylygynyň “Halkara parahatçylyk we ynanyşmak ýylynda” 30 ýyllyk şanly senesi hem-de Birleşen Milletler Guramasynyň döredilmeginiň 80 ýyllyk dabarasyna utgaşmagy, Bitaraplyk syýasatymyzyň dost-doganlyk, goňşuçylyk, parahatsöýüjilik, hoşniýetlilik syýasaty esasynda medeni diplomatiýasynyň dabaralanýandygy barada beýan edildi.
Balkan welaýat ýörite sungat mekdebiniň aýdymçylarynyň, “Bagtyýarlyk” tans toparynyň, “Kamera orkestriniň”, “Üflenip we kakylyp çalynýan saz gurallary” ansambllarynyň ýerine ýetiren buýsançly çykyşlary şan-şöhrata beslenen Garaşsyz, hemişelik Bitarap Türkmenistan Watanymyzyň Berkarar döwletiň täze eýýamynyň Galkynyşy döwründe gazanan üstünliklerine, ýeňişlerine, medeni diplomatiýanyň dünýäde dabaralanmagyna giň mümkinçilikleri döredýän Gahryman Arkadagymyza, Arkadagly Gahryman Serdarymyza bolan alkyşlary belent owaz bolup ýaňlandy.