Berkarar döwletiň täze eýýamynyň Galkynyşy döwründe ýurdumyzyň syýasy, ykdysady, medeni durmuşynda taryhy özgerişlere beslenýän tutumly işler alnyp barylýar. Sungatyň dürli ugurlary boýunça döredijilik adamlary döwletimiziň abraýynyň artmagy ugrunda nusgalyk işleri bitirdiler. Olaryň döreden eserleri ýaş nesliň kämil düşünjeli bolmagynda bahasyna ýetip bolmajak mekdepdir. Gözbaşlaryňa ýüzlenmek, taryhy geçmişiňi paýhas eleginden geçirmek, ýurduň syýasy ösüşiniň esasy hökmünde medeni mirasy, saz sungatyny ösdürmek Hormatly Arkadagly Gahryman Serdarymyzyň baş maksatlarynyň biridir. Bu toprakda akyldar danalaryň, ýazyjydyr şahyrlaryň, sungat ussatlarynyň ençemesi dünýä indi.
Türkmen opera sungatyny esaslandyryjy ägirtleriň biri, guýma gursak ussat opera aýdymçysy, Türkmenistanyň Gahrymany, Türkmenistanyň halk artisti Maýa Kulyýewa hem şeýle meşhur şahsyýetleriniň biri bolup, onuň 105 ýyllyk ýubileýine bagyşlanyp geçirilen “Sungaty bilen özüni tanadan ussat” atly edebi-çäresini 2025-nji ýylyň maý aýynyň 6-na Balkan welaýat kitaphanasynyň Sungat bölümçesi we Balkan welaýat ýörite sungat mekdebiniň bilelekde geçirdiler. M.Kulyýewanyň “Ömri we durmuş ýoly” barada Balkan welaýat kitaphananasyň kitaphanaçy Maýsa Aýydowa giňeşleýin gürrüň berdi we belli şahsyýetiniň ýerine ýetirijilik ýolunyň ähmiýeti barada Sazyň taryhy we nazaryýeti bölüminiň III ýyl talyby Almagül Hanjanowa çykyş etdi. Talybyň çykyşy wideo arkaly Maýa Kulyýewanyň ýerine ýetiren “Läläm seni”, “Ýüregim gitmez”, “Jan Watan” we “Eý daragym batlan” atly aýdymlar bilen baýlaşdyryldy. Balkan welaýat ýörite sungat mekdebiniň Aýdym aýtmak sungaty ( wokal) bölüminiň mugallymynyň çykyşy bilen dowam edildi. Gülhanym Lametowa Maýa Kulyýewa bilen duş gelen pursatlary we talyplyk döwründe oňa beren maslahatlary barada gürrüň berip, Maýa Kulyýewanyň repertuaryndan Weli Muhadowyň “Söýgülim gelýar” we Weli Ahmedowyň “Bu gün” aýdymlaryny ýerine ýetirdi.
Dabaranyň ahyrynda gatnaşyjylar medeniýetiň, sungatyň, halypa-şägirtlik ýolunyň dünýäde dabaralanmagyna giň mümkinçilikleri döredýän Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik, tutumly işleriniň rowaçlyklara beslenmegini arzuw etdiler.