TDP-niň Balkanabat şäher komiteti tarapyndan 24.10.2025ý. Balkanabat Lukmaçylyk orta hünär okuw mekdebinde Gahryman Arkadagymyzyň “Türkmenistanyň dermanlyk ösümlikleri” atly kitabynyň XVII jildiniň gelip gowuşmagy mynasybetli dabara boldy. Onda Balkan welaýat ýörite sungat mekdebiniň “Horeografiýa sungaty” bölüminiň mugallymy Läle Hojagurbanowa çykyş etdi.
Gahryman Arkadagymyzyň “Türkmenistanyň dermanlyk ösümlikleri” atly kitabyndan endemik ösümlikleriniň ÝUNESKO-nyň sanawyna girizilmegi baradaky alnyp barylýan işleriň ähmiýetini wagyz edip, kitabyň ähmiýetini düşündirip, ýaş nesillerimize ýetirmekde yzygiderli işleri kämilleşdirmek hakynda beýan edildi.
“Türkmenistanyň Ylymlar akademiýasynyň akademigi, lukmançylyk ylymlarynyň doktory, professor Gurbanguly Berdimuhamedowyň “Türkmenistanyň dermanlyk ösümlikleri” atly düýpli ylmy işiniň 17-nji jildiniň 2025-nji ýylda Türkmenistanyň Saglygy goraýyş we derman senagaty işgärleriniň güni, ýagny hünär baýramçylygy mynasybetli sowgat berlendigini, kitapda dürli dermanlyk otlaryň onlarça görnüşiniň, ösümlikleriň kökleriniň hem-de miweleriniň, şol sanda endemik ösümlikleriň dermanlyk häsiýetleriniň giňişleýin beýan edilip, bu düýpli ylmy işiň diňe bir halkara lukmançylyk jemgyýetçiliginde däl, eýsem, giň okyjylar köpçüliginde hem uly gyzyklanma döredýändigini, uly meşhurlykdan peýdalanýandygyny nygtady.
Maslahata gatnaşyjylar öz çykyşlarynda Gahryman Arkadagymyzyň dünýäniň lukmançylyk ylmynyň ösüşine, dünýä halklarynyň uzak ömür, sagdyn durmuş ýaşaýşyna ylmy esas berjek, adam saglygyna peýdaly, türkmen halkynyň ylmy abraý-mertebesini älem-jahana ýaýjak “Türkmenistanyň dermanlyk ösümlikleri” atly ylmy-ensiklopedik kitabynyň XVII jildini öz mähriban türkmen halkyna sowgat edendigini, biziň ýurdumyzda adamyň saglygyny goramakda tebigy gurşawyň abat saklanmagyna we onuň abadanlaşdyrylmagyna gönükdirilen çäreler bilen hem berk baglanyşyklydygyny, adamyň arassa, tämiz howa, tebigy gözellige ýaramly hem ýokumly, ekologiýa taýdan arassa iýmite, dürli witaminlere mätäçdigini, adamyň özüniň ýaşaýşy üçin zerur bolan ähli zatlary-da tebigatdan alýandygyny, ilkinji nobatda, dem almak üçin howasynyň, suwunyň, ýagtylygynyň, iýmitiniň, umuman, adamyň diriliginiň tebigat bilendigini, türkmen tebigatynyň bolsa dermanlyk ösümliklere örän baýdygyny, häzirki zaman lukmançylyk tejribesiniň ösümliklerden alynýan derman serişdelerini ulanmakdan çetde durup bilmejekdigini, şonuň üçin 1999-njy ýylda ýurdumyzda bitýän derman ösümlikleri ylmy taýdan öwrenmeklik hem-de derman senagatyny ýerli çig mallar bilen üpjün etmek maksady bilen, Türkmenistanyň derman ösümlikleri institutynyň döredilendigini, türkmen halk lukmançylygynda peýdalanylýan derman ösümlikleriniň hemmetaraplaýyn ygtybarly öwrenmeklige Garaşsyzlyk ýyllary içinde has-da giň ýol açylandygyny, şol sebäpli-de ata-babalarymyzyň asyrlarboýy sünnäläp, türkmeniň milli gymmatlygyna ýetirilen halk lukmançylygynda ulanylýan derman ösümlikleri barasyndaky däp-dessurlary we dürli tärleri ylmy esasda öwrenip, olar barasyndaky häzirki zaman lukmançylygynyň dünýä tejribesinde gazananlaryny üstüne goşmak bilen, köklerini gadymyýetden alyp gaýdýan türkmeniň derman ösümlikleri bilen baglanyşykly ylmy sungatyny, olaryň melhemlik namalaryny “Türkmenistanyň dermanlyk ösümlikleri” atly kitabynyň üsti bilen türkmen halkyna ýetirýändigini, türkmen topragynda ösýän dermanlyk ösümlikleriň 2000-den gowragynyň türkmen halk lukmançylygynda, ýagny milli tebipçiligimizde ulanylýandygyny, Gahryman Arkadagymyzyň “Türkmenistanyň dermanlyk ösümlikleri” atly ajaýyp eseriniň gymmatlyklaryny içgin öwrenmekde taryhy gollanma bolup durýandygyny, adamzadyň gazanan üstünlikleriniň hazynasyna, şol sanda lukmançylyk işine uly goşant goşan türkmen halkynyň köpasyrlyk tejribesi hem-de däpleri bilen tanyşmaga mümkinçilik berýändigini beýan edip, çykyşynyň ahyrynda bize ajaýyp döwri peşgeş beren Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt ähmiýetli tutumly işleriniň elmydama rowaç bolmagyny tüýs ýürekden arzuw etdiler.