01.03.2026-njy ýylda paýtagtymyz Aşgabat şäherinde Türkmenistanyň Kärdeşler arkalaşyklarynyň Merkezi Geňeşi hem-de Türkmenistanyň Zenanlar birleşiginiň Merkezi Geňeşi tarapyndan “Ýylyň zenany” atly bäsleşigiň Döwlet derejesindäki tapgyry geçirildi. Bäsleşige Balkan welaýaty boýunça ýeňiji bolup, Balkan welaýat ýörite sungat mekdebiniň “Horeografiýa sungaty” bölüminiň müdiri, Türkmenistanyň Zenanlar guramasynyň işjeň agzasy Sapargül Hallymämmedowa gatnaşdy. Ol öz çykyşlarynda “Garaşsyz, baky Bitarap Türkmenistan-bedew batly at-myradyň mekany” ýylynda türkmen zenanlarynyň gazanýan üstünliklerini beýan edip, Gahryman Arkadagymyzyň, Arkadagly Gahryman Serdarymyzyň bagtyýar zenanlarymyza döredilýän mümkinçiliklerini gazallaryň üsti bilen buýsanç bilen wasp etdi.
Bäsleşige gatnaşan bedew batly zamananyň bagtyýar zenanlaryna Türkmenistanyň Kärdeşler arkalaşyklarynyň Merkezi Geňeşi hem-de Türkmenistanyň Zenanlar birleşiginiň Merkezi Geňeşi tarapyndan Hormat hatlary we gymmat bahaly ýadygärlik sowgatlary gowşuryldy.